Luati Päivölä pitoja

SKVR II 201·Paatene·1917·Collector: Manninen, Ilmari

In the SKVR edition: Sampsosien kylä. Manninen n. 811. - 17. Matro Lukkiń, n. 60 v., kotoisin Kellovaarasta. Nuorena äidiltään oppinut runoja. Naimisisaa Sampsosissa.

Song types: Lemminkäisen virsi, Raudan synty, Saaren neidot

Open in the poem reader →

SKVR text

Lemmiŋgöizen laulu.

Päivölän isäntä kun luati piiruo, niin kerättih ken miŋgi, ken voita, ken jauhuo, ken midägi.

1Luati Päivölä pitoja,

2Šoarijougo juomiŋkie;

3kuka anto kauhasella,

4a lieto Lemmiŋgöinen

5se anto miärin da puolikkoloin.

6Päivölän emäntä

7seiso keskilattiella,

8hiero kahta kämmentänsä,

9hykerti molembiansa,

10itse noin virkki, noin pagisi:

11"Mibä tästä nyt syntyy

12hyvän muorin ńäppilöistä,

13vaimon valgien käsistä";

14hiero ruskien oravan.

15Sano:

16"Oravani, linduseni,

17mäne tästä, kunne työnnän,

18juokse vuara, juokse toińi,

19niin vuaralta kolmannelta

20tuo kuiva kuusen käbryt!"

21Orava

22juoks vuaran, juoks toisen,

23juoks vuaralla kolmannella,

24toi sieltä kuivan kuusen käbryn.

25Eipä niillä ottand olut hapata

26eikä noussut nuoren juomiń.

27Siitä Päivölän emäntä

28keikku keskilattiella,

29hiero kahta kämmentänsä,

30hykerti molembiansa,

31itse noin sanoi:

32"Mibä tästä syntynevi

33hyvän muorin näppilöistä,

34vaimon valgien käsistä";

35hiero ruskien rebosen.

36Niin hiän virkki, noin pagisi:

37"Reboseni, linduseni,

38mäne nyt tästä, kunne käsken,

39juokse vuara, juokse toińi,

40juokse vuaralla kolmannella,

41niin suzi on juossut suota myöten,

42karhu kaŋŋasta puannu,

43suo on kiäntynd suven jallois,

44kaŋŋas karhun kandapäissä,

45sih kasvand rautaorahat,

46niin tuo sieltä ne;

47eikö niillä ota olut hapata,

48eikö nouse nuoren juomiń."

49Repo

50juoks vuaran, juoks toisen,

51niin vuaralla kolmannella.

52Toi sieltä rautaset orahat.

53Niillä otti olut hapata,

54niillä nousi nuoren juomiń.

55Juoksi olut orren päičči,

56sima noaglojen sioičče.

57Tuopa Päivölän emäntä

58niin hiän virkki, noin pagisi:

59"Reboseni, lintuseni,

60mäne tästä, kunne käsken,

61kučču rujot, kučču rammat,

62kučču kai verisogiat,

63mutta älä kučču Lemmiŋgöistä.

64Lemmiŋgöinen, lieto poika,

65Lemmiŋgöisen leikkoama,

66pillomuksen pilkkoama!

67Sogiat veneillä souakkah,

68rammat raččahilla ajakkah."

69Niin repo

70kučču rujot, kučču rammat,

71kučču kai verisogiat,

72Lemmiŋgöistä ei kuččund.

73Sogiat veneillä souttih,

74rammat raččahilla ajettih.

75Tuoko lieto Lemmiŋgöinen

76niin hän virkki, noin pagisi:

77"Oi on muamo, kandajani,

78tuo sie sotasobańi,

79kanna vainovuattieni,

80lähen Päivölän pitoih,

81Šoarijougon juomiŋkih!"

82Muamo sano:

83"Poigozeń nuorembuoni,

84et sie liene lembivieras,

85kun ei silma kučuttu."

86Hiän sano:

87"Oi on muamo, kandajani,

88koira kutsuhun tuloo,

89hyvä ilman hyppeää."

90Muamo sano:

91"Poigozeń nuorembuoni,

92kolm on surmoa matalla."

93(Hiän sano:)

94Sata on seivästä miällä,

95yks on seiväs pitkä seiväs

96Lemmiŋgöisen piän varalla."

97Hiän sano:

98"Oi on muamo, kandajani,

99ei oo surma miehen surma

100eikä kuolema urohon.

101Kun otan kul'l'un kuollehelta,

102piän mäkäččyn männeheltä,

103sillä mie siitä piäsen."

104Sano:

105"toinen surma:

106kolme on koivuo miällä,

107niissä on kokot tuliset,

108ne nyt hampaita hivotah,

109kyntösie kričkut'etah

110Lemmiŋgöisen piän varalla."

111Hiän sano:

112,,Oi on muamo, kandajani,

113ei oo surma miehen surma

114eikä kuolema urohon.

115Kun temmon tedrie miältä,

116koppeloja koivikolta,

117sillä mie siitä piäsen."

118Sano:

119"Surma kolmas surma;

120kolmas surma on suuri surma:

121tuolla Päivölän pioissa,

122šoarijougon juomiŋŋissa,

123suvet on suiččiloih pantu,

124karhut rautakahleisih

125Lemmiŋgöisen piän varalta."

126Hiän sano:

127"Oi on muamo, kandajani,

128ei se oo surma miehen surma

129eikä kuolema urohon.

130Kun otan laukan lambahie,

131karjan kierävillasie

132suihe Päivölän susien,

133kidoih kiirakarhujen,

134sillä mie siitä piäsen.

135Oi on muamo, kandajani,

136tuo nyt sotasobańi,

137kanna vainovuattieni,

138lähen Päivölän pidoih,

139šoarijougon juomiŋkih!"

140Muamo toi sotasobaset,

141kanto vainovuattiet.

142Pesihe, šuoris,

143hyppäsi hyvän sellällä,

144hyvän laukin lantehilla,

145läks ajamaan,

146mäń kohallah Päivöläh,

147eikä kukaan nägend ei kuullu:

148Ulkasta mäni tubah,

149piilosesta ṕerttih.

150Tuo Päivölän isäntä

151niin hän virkki, noin pagisi:

152"Mitä sie olled miehies,

153ku kumma urohies,

154kui silma ei haukkujat havattu,

155kun ol' meillä veräjän suilla:

156suzit ol' suiččiloih pantu,

157karhut rautakahlehih,

158lihan syöjät, luun purijat,

159veren uuvelda vedäjät?"

160Tuopa lieto Lemmiŋgöinen

161niin hän virkki, noin pagisi:

162"En mie tänne tullu

163tavottani, tiijoittani,

164mahittani, mallittani,

165suihin Päivölän suzien,

166kitoih kiirakarhujen.

167En mie liene lembivieras,

168kun ei tuotane olutta,

169lib ei häkkie iskettäne."

170Päivölän emäntä

171niin hän virkki, noin pagisi:

172"Jo on tiällä

173syöty syömät, juotu juomat,

174piikarit on pinoihin pantu,

175tuopit tukkuloih kerätty."

176Hiän tuas sanoo:

177"En mie liene lembivieras,

178kun ei tuotane olutta

179lib ei häkkie iskettäne."

180Tuopa Päivölän emäntä

181tuo hän tuopilla olutta,

182kantaa kaksikorvasella:

183mavot rantoja myöten matatah,

184kiärmeet käčerretäh.

185Tuopa lieto Lemmiŋgöinen

186veäldi veiččen huodrastah,

187tupestah tuiman rauvan,

188nosti šoan sammakku,

189tuhannen mustie madoja.

190Tuoko lieto Lemmiŋgöinen

191niin hän virkki, noin pagisi:

192"Toppa muahan luotanoo,

193olut piähän juotanoo."

194Joi hiän oluven onnekseh,

195meen mustan mielekseh.

196Tuoko Päivölän isäntä

197niin hän virkki, noin pagisi:

198"Mitakkoamma miekkojamme.

199kaččokaamma kalujamme;

200kudaman on miekka mieluhambi,

201kudaman on kalu kaunehembi,

202se iellä isköö toista."

203Lemmiŋgöisen miekka on luissa lohkiellu,

204piäkaluissa katkiellu.

205Päivölän isäntä piäs enzmäseks iskemäh.

206Iski kerran, iski toisen,

207iski kerran kolmanneŋkin,

208eikä liha liikahtanna

209eikä männy märräsnahka.

210Lemmiŋgöinen kun kapsahutti niin:

211loi kun nuatin nagrehesta,

212evän kaikesta kalasta.

213Tuoko lieto Lemmiŋgöinen

214niin hän virkki, noin pagisi:

215"Voi polosen päiviäni,

216tapoin miehen, voitin urohon

217Päivölän pioista,

218Šoarijougon juomiŋŋista!"

219Siitä hyppäi hyvän selällä,

220hyvän laukin lantehilla,

221läks kod'ih, tuli muamon luo.

222Sano:

223"Oi on muamo, kandajani,

224missä nyt piilöö pillomus,

225pagenoo pahan azuja,

226tapoin miehen, voitin urohon."

227Muamo sano:

228"Poiguoni, nuorembuoni,

229muutu männyksi miällä."

230Poika sano:

231Oi on muamo, kandajani,

232rigeneh mäginen mändy

233halkopuiksi hakatah,

234pinopuiksi pilkotah."

235"Poiguoni, nuorembuoni,

236muutu korven koivuseksi!"

237"Rigeneh korven i koivu

238regipuiksi leikotah,

239jallaksiksi hallatah."

240"Poiguoni, nuorembuoni,

241tuoll' oli ennen isäsi,

242tuolla valta vanhembasi

243suuria sotakesiä

244šuaressa selällisessä,

245puuttomassa luotosessa."

246Tuoko lieto Lemmiŋgöinen

247niin hiän laivah laseks,

248niin hiän nostaa purjepuita,

249kuin on mändyö miällä.

250Laskoo hiän sinistä merda

251puuttomah luotoseh,

252šuareh selälliseh.

253Män' sinne, niin

254midä on šuaren neiččysie,

255midä šuaren morzeimie,

256kai männäh vassah.

257Lemmiŋgöinen kysyy:

258"Ollooŋko šuarella sijoa,

259oŋko muata šuaren mualla,

260missä piillä pillomuksen,

261poata pahan azujan?"

262"On šuarella sijoa,

263on muata šuaren mualla."

264Käy hiän kyleä kymmeniezen,

265kävi puolen kymmeniestä;

266ei löytänd sitä taluo,

267miss ei ollu viittä miestä,

268miss ei miekkoja hivottu

269Lemmiŋgöisen piän varalta;

270ei löytänd sitä taluo.

271Niin hiän järelläh omah laivali laseksi.

272Kai neiččyöt kaimoamah.

273"Voi polonen päiviäni,

274jäi neijet sebeämättä,

275sevätyd magoamatta!"

276Nosti siitä purjepuuta,

277kuin on mäntyjä miällä.

278Šuaren neijot itetäh,

279Šuaren vaimot vaŋŋutah,

280kuńi purjepuu nägyvi,

281rautahaŋka haimendau.

282"En mie itte purjepuuta,

283itten purjepuun izändä,

284eŋkä itte rautahaŋkoa,

285itten haŋŋan haldijoa."

The text is that of the SKVR digital edition of the Finnish Literature Society (SKS), with these changes:

The editors’ signs inside the verses ([ ], ⌈ ⌉, *, [!], [?]) are left out, as in the poem reader; the letters they enclose are kept.
The edition’s line numbers are replaced by a number on every verse, counted as in the poem reader.
The editors’ notes, and the marks in the verses that point to them, are left out; they can be read at SKS.

Source

Text: SKVR (Suomen Kansan Vanhat Runot), the digital edition of the Finnish Literature Society (SKS), licensed under CC BY 4.0.

Permanent address of this poem at SKS: http://urn.fi/urn:nbn:fi:sks-kvr-005651 · Read at SKS ↗

Added by RunoVerse: the song types, the verse numbers and the links.